Ելակը նվազեցնում է խոլեսթերինի մակարդակը

ankakh.com: Պարզվում է, որ բացի գերազանց համից, ելակը նաև անոթների առողջությանն է նպաստում: Իտալիայի ու Ֆրանսիայի գիտնականները ուսումնասիրություններ են կատարել ու պարզել ելակի մի շարք հատկություններ:

Պարզվում է, որ այդ հատապտուղն արդյունավետ վերականգնում է խոլեսթերինի մակարդակը: Հետազոտության ընթացքում ստացվել են հետաքրքիր արդյունքներ, որոնք հրապարակվել են բժշկական մամուլում: Կամավորներին առաջարկվել էր օրական 500 գ ելակ ուտել: Փորձի ավարտին, մեկ ամսից նրանք արյուն են հանձնել, որոնք համեմատվել են մինչ փորձը վերցված նմուշների հետ: Պարզվել է, որ ճարպային միացությունների մակարդակը նվազել է էականորեն,  ինչն անմիջական ազդեցություն ունի սրտամկանի առողջական վիճակի վրա:

Դրանից մասնագետերը եզրակացրին, որ ելակն օրաբաժնում ներառելը շատ արագ կարող է առողջության վրա բարերար ազդել: Բարելավվում է արյան կազմության ցուցիչները: Մասնագետները նշում են, որ ելակի ազդեցությամբ բարելավում է նկատվում արյան մակարդելիության, հակաօքսիդանտային կենսամարկերների մակարդակում ու պլազմայի լիպիդային պրոֆիլում:

Ավելի վաղ ուսումնասիրվել են սննդաբաժնում ելակի ներառման դրական արդյունքներնը ու ապացուցել է,որ այն ակտիվ պաշտպանում է արեգակնային ճառագայթումից ու օգնում ստամոքսի պատերը վնասող ալկոհոլի վնասակար ազդեցությունը նվազեցնելուն: Ստացված արդյունքների հիման վրա, գիտնականները խորհուրդ են տալիս այդ հատապտուղը ներառել սննդաբաժնում:

Հարցեր, պատասխաններ, մեկնաբանություններ